MANZESE WALIA NA KERO YA MAJI

Na Mainda Marijani, Dar Es Salaam

Wakazi wa eneo la Manzese midizini kata ya Mwembeni, Wilaya ya Ubungo, jijini Dar Es Salaam, wamelalamikia suala la ukosefu maji katika eneo hilo, hali iliyopelekea kukwamisha shughuli zao za kimaendeleo.

Akizungumza na Tanganyikaradio.blogspot.com mmoja wa wakazi hao HADIJA RAMADHANI kwa niaba ya wenzake alisema suala la maji limekuwa changamoto katika makazi yao na kushindwa kufanya shughuli zao za kujipatia kipato.

“ Tunashindwa kufanya biashara zetu kutokana na kutafuta maji mtaa mwingine na hata pale maji yanapotoka inatubidi tuache biashara na kwenda kuchota maji hali inayopelekea kuwa na mauzo mabaya ya biashara zetu,” alisema Ramadhani.

Aidha ameongeza kuwa serikali ya mtaa ingejaribu kufuatilia suala hilo sehemu husika ili kufahamu nini tatizo la ukosefu maji katika mtaa huo ingeweza kuwasaidia.

“ serikali ingekwenda DAWASCO ili kujua nini tatizo na kuweza kulitatua wao kama viongozi kwa kuwa wana dhamana yetu,” alisema Ramadhani.

  Walipotafutwa na Tanganyikaradio blog viongozi wa mtaa huo na wale wa shirika la maji mkoa wa Dar es salaam DAWASCO ili kuzungumzia kero hiyo hawakupatikana mara moja na juhudi za kuwapata zinaendelea ili kutoa ufafanuzi