STEPS WAJA NA AFRO BOX KUPELEKA FILAMU KWA WATEJA WAO

Myovela Mfwaisha, meneja matukio wa kampuni ya Steps Entertainment

Na; Imani Kelvin Mbaga

Kampuni inayojihusisha na usambazaji na filamu nchini,ijulikanayo kama Steps Entertainment, imetangaza kuingiza sokoni kwa namna ya tofauti na kisasa zaidi  filamu mpya iitwayo “SIRI YA MOYO” inayotarajiwa kuzinduliwa hivi karibuni jijini Dar es salaam.

Salum Saleh, mtayarishaji wa filamu ya SIRI YA MOYO

Akizungumza na waandishi wa habari katika ukumbi wa idara ya habari maelezo, meneja wa matukio wa kampuni hiyo, Myovela Mfwaisha, alisema kuwa kampuni yake imeamua kuipa thamani zaidi sekta ya filamu na kuisogeza kwa wadau kwa njia ya kisasa na rahisi zaidi kuifikia.

“Tunachotaka kufanya ni kuhakikisha kuwa kila mtu anapata kwa urahisi kuona filamu zetu na kuondoa vikwazo na vizuizi vinavyowakabili watu katika kufurahia kazi zetu” Alisema Myovela.

Man D mmoja kati ya watu waliocheza filamu ya SIRI YA MOYO

Akizungumzia njia itakayotumika, Myovela alisema kuwa wametengeza njia rahisi ya kuzifikisha filamu kwa kutumia simu za kiganjani, ambapo mtumianji wa simu za kufuta “smart phone” atatakiwa kuwa na program ya Afro box ambayo ni lazima aipakue kwenye simu yake kuweza kuangalia filamu mbalimbali kwa urahisi.

Akifanunua zaidi meneja huyo alisema pia kuwa filamu hiyo ya  SIRI YA MOYO itaanza kuonyehwa kwenye ukumbi wa sinema kabla ya kuanza kupatikana katika program hiyo ya simu na kusambazwa maeneo mbalimbali kwa wateja na wapenzi wa filamu nchini.

kutoka kulia ni Man D, Salum Saleh na Myovela Mfwaisha

Naye mtayarishaji wa filamu hiyo, Salumu Saleh, alisema wameitengeneza filamu hiyo ili kukidhi mahitaji na vigezo vya viwango vya kimataifa, na kwamba kupata nafasi ya kuonyesha filamu hiyo kwenye ukumbi wa sinema ni uthibitishio wa ubora wa kazi yake na kwamba huo ni mwanzo wa kuipeleka mbele tasnia hiyo.