ARSENAL USO KWA USO NA BAYERN ULAYA, MAN UNITED YATUPWA UFARANSA

1. 

na Imani Kelvin Mbaga

Timu ya Arsenal ya England imejikuta ikiingia mdomoni mwa timu ya Bayern Munich ya Ujerumani katika hatua ya mtoano ya michuano ya ligi ya mabingwa barani Ulaya kufuatia droo iliyochezeshwa leo katika mji wa Nyon

Arsenal maarufu kama washika bunduki wa jiji la London wamejikuta wakifadhaishwa na droo hiyo kutokana na juhudi kubwa waliyoifanya kumaliza wa kwanza katika hatua ya makundi ili kuepuka kukutana na timu ngumu lakini juhudi hizo zimeishia kukutana na Bayern Munich ambao wameshika nafasi ya pili.

Arsenal na Bayern wamekutana mara sita katika miaka minne ambapo Bayern wamefunga jumla ya magoli 10 huku Arsenal wakifunga jumla ya magoli 7 katika mechi zote walizokutana kama inavyoonekana hapa chini.

2012-13 (16 BORA)

Arsenal 1-3 Bayern Munich

Bayern Munich 0-2 Arsenal

2013-14 (16 BORA)

Arsenal 0-2 Bayern Munich

Bayern Munich 1-1 Arsenal

2015-16 (MAKUNDI) 

Arsenal 2-0 Bayern Munich

Bayern Munich 5-1 Arsenal  

Droo ya kupanga nani acheze na nani katika hatua ya mtoano huziweka timu zilizoongoza makundi yao katika sehemu moja na zile zilizoshika nafasi ya pili katika hatua ya makundi huwekwa pamoja ili kuepuka kuzikutanisha timu zilizoshika nafasi sawa katika makundi yao.

Wakati huo huo timu za Hispania zimeendelea kutawala soka la Ulaya baada ya kutajwa zaidi katika droo ya upangaji wa mechi za mtoano za vilabu barani humo, zinazohusisha michuano ya klabu bingwa na kombe la Uropa, ambapo nchi hiyo imeingiza timu 7 kati ya timu 48 kutoka mataifa yote.

Timu za Hispania zilizofanikiwa kuingia katika hatua ya mtoano kutoka nchi hiyo ni pamoja na mabingwa watetezi wa kombe la klabu Bingwa barani humo, Real Madrid, Barcelona, Atletico Madrid na Sevilla katika ligi ya mabingwa, kwa upande wa Uropa ni Athletic Bilbao, Celta de Vigo na Villa Really.

England imefanikiwa kuingiza timu tano katika hatua hiyo, baada ya Arsenal, Leicester City na Manchester City kusonga mbele katika klabu bingwa, wakati ambapo Manchester United na Tottenham Hotspurs zikisonga katika michuano ya Uropa.

Hatua ya mtoano ya michuano ya vilabu barani Ulaya inatarajiwa kuanza kuchezwa tar 14 na 15 mwezi Februari ambapo timu zote zilizo shika nafasi ya kwanza katika makundi yao zitaanzia ugenini na kumalizia nyumbani kama inavyoonekana katika ratiba kamili hapa chini

M anchester City vs Monaco 

February 21 - Manchester

March 15 - Monaco

Real Madrid vs Napoli

February 15- Madrid

March 7 - Naples

Benfica vs Borussia Dortmund

February 14 - Lisbon

March 8 - Dortmund

Bayern Munich vs Arsenal 

February 15 - Munich

March 7 - London 

 Porto vs Juventus

February 22 - Porto

March 14 - Turin

Bayer Leverkusen vs Atletico Madrid

February 21 - Leverkusen 

March 15 - Madrid 

Paris Saint Germain vs Barcelona

February 14 - Paris

March 8 - Barcelona 

Sevilla vs Leicester City 

February 22 - Seville

March 14 - Leicester 

RATIBA YA MICHUANO YA MTOANO UROPA

RSC Anderlecht V Zenit St Petersburg 0

Astra Giurgiu V KRC Genk	18:00

Athletic Bilbao V Apoel Nicosia	18:00

AZ Alkmaar V Lyon	18:00

Borussia Mönchengladbach V Fiorentina	18:00

Celta Vigo V Shaktar Donetsk	18:00

FC Rostov V Sparta Prague	18:00

FK Krasnodar V Fenerbahçe	18:00

Hapoel Be'er Sheva V Besiktas	18:00

KAA Gent V Tottenham Hotspur	18:00
Legia Warsaw V Ajax 18:00

Ludogorets Razgrad V FC Copenhagen	18:00

Manchester United V Saint-Étienne	18:00

Olympiakos V Osmanlispor	18:00

PAOK Salonika V FC Schalke 04	18:00

Villarreal V Roma

18:00