HUENDA MAFANIKIO HUPATIKANA KWA KILE ANACHOKIAMINI MTU NA KUKIPIGANIA KWA NGUVU ZOTE

MSANII SIR KING

Kila mtu ana njia yake hapa duniani ndio neno ninaloweza kusema kwa wadau wangu na wasomaji wa tanganyikaradio.blogspot.com, kwa kuwa kila mmoja wetu hupata mafanikio kwa kile anachokiamini na kukipigania kwa nguvu zote ili mradi atimize kile kinachompa nguvu kuhusu jambo hilo.

Leo katika pita pita za huku na kule ndipo nimekutana na kijana anaefahamika kwa jina la Sir King mkazi wa mabibo jijini dar es salaam, mwenye kila sababu ya kutimiza ndoto zake kutokana na kuelekeza nguvu kubwa kwa mambo anayo yaamini.

Sir King akiongea na mwandishi wa makala haya anasema alianza kujigundua kuwa na kipaji cha kuigiza tangia akiwa shule ya msingi mkoani manyara na alikuwa akitamani sana kuja kuwa muigizaji mkubwa hapa nchini.

Pindi alipo maliza elimu ya sekondari alijiingiza katika sanaa ya uigizaji rasmi mwaka 2009 hapa jijini dar es salaam, kwa kuanza kuigiza mitaani na marafiki zake na baadae kupata kundi la K Film Production lenye maskani yake Tabata Sheli.

Mwaka huo huo baada ya kujiunga na kundi hilo alifanikiwa kucheza movie tatu  ikiwemo Beijing, Funzo la ndoa, The camp site na ya nne amecheza mwaka huu mwanzoni inaitwa Chura,  ambayo  baada ya msanii wa bongo movie na msanii wa bongo fleva Snura Mushi kuachia wimbo wake wa chura.

Baada ya kucheza movie nne, Sir King  ameona akiwa na malengo ya kufika mbali katika tasnia ya filamu hapa nchini ni bora na yeye akafata njia wanazopita wasanii wenzake wa filamu hapa nchini za kuingia katika upande wa muziki.

Katika upande wa muziki amejiingiza rasmi mwaka jana 2015, na kubwa lililomsukuma kuingia katika upande wa pili wa muziki ni kipaji cha kuimba kwani amekuwa mwalimu wa kwaya kanisani kwa kipindi kilefu na wengi waliofundihswa nae kwaya kanisani wamekuwa wakikubali uwezo wa mwalimu wao.

Na tangu ajiingize rasmi katika muziki tayali ameshatengeneza nyimbo tatu ambayo ya kwanza ameitengeneza mwaka jana katika studio za mazuu chini ya mtayarishaji mazuu inayotambulika kwa jina la wewe ni uhai moyoni mwangu ambayo amemshirikisha msanii mwenzake PNC, na ulipata muda mwingi hewani katika vituo mbalimbali vya radio, magazeti na mitandao ya kijamii.

Kufanya vizuri kwa wimbo huo kukampa moyo wa kutengeneza wimbo mwingine wa pili uliotambulika kwa jina la nitalia ambayo ameitayarisha katika studio mbili tofauti ya kwanza iliyotengeneza beat ni mazuu na kukamilishwa na studio ya G records chini ya mtayarishaji KGT.

Wimbo huu wa pili pia ilitanua wigo wa kusikika katika vyombo mbalimbali vya habari na kufanikiwa kufanya matamasha mbalimbali jijini dar es salaam na mikoa mbalimbali, zilizomuingizia fedha kiasi za kuendesha maisha yake.

Kwa sasa yuko mbioni kuachia wimbo mwingine wa tatu unakwenda kwa jina la wote marafiki, umetayarishwa katika studio za Sadactive chini ya mtayarishaji Double B ambayo itaachiwa muda si mrefu kabla ya kuisha kwa mwaka huu.

Pia ametoa wito kwa wadau mbalimbali wa muziki hapa nchini, kuweza kumshika mkono katika kuhakikisha anatimiza ndoto zake kwa kuwa na wasimamizi wazuri wataofanya kazi pamoja na kufikia malengo yake, pamoja na wasanii wakubwa kutoa ushirikiano kwa wasanii wanaochipukia ili kuujenga mziki wetu kitaifa na kimataifa, kwani muziki wetu umekuwa na wasanii wachache hivi sasa wanaoiwakilisha nchi kimataifa tofauti na nchi kama Nigeria na Afrika ya kusini.

Anasema kutokana na wasanii wakubwa kutoawangalia wakubwa utakuta hata katika tuzo wanazochaguliwa unakuta wamezungukwa na wasanii wengi wa Nigeria au Afrika ya kusni, nah ii ni kutokana na wao kuwa wachache tofauti na wenzetu kugeana ushirikiano kikubwa wanachoangalia ni muziki wao kusonga mbele kimtaifa.

Jumanne juma

0658-291940