MARATHONI YA UBINGWA WA VPL NDO INAANZA RASMI

Na: Imani Kelvin Mbaga

Ligi kuu ya Voadacom Tanzania bara tayari inaonekana kugeuka na kuwaacha mafahali wawili wa soka hapa nchini kuanza mbio za marathoni kuelekea kwenye ubingwa wa ligi hiyo. Kwa matokeo ya hivi karibuni kwa timu zote inaonyesha kuwa Simba na Yanga tayri wamesha jitenga na wenzao na kufukuzana wenyewe kuelekea ubingwa wa ligi hiyo na wengine wakioekana kana kwamba wameshakata pumzi.

  Simba wanaongoza wakiwa na jumla ya pointi  29 huku wakiwa pointi tano juu ya watani wao wa jadi Yanga wenye pointi 24 katika nafasi ya pili. Yanga ambao ni kama hawakuanza mbio hizi kwa nguvu sasa wanaonekana kuwa katika “fom” ya ajabu baada ya kutikisa nyavu mara kumi katika mechi mbili pekee tena mechi zilizotabiriwa kuwa na ushindani mkubwa kwao.

   Pamoja na yote tuwezayo kusema hatuwezi kuacha kuzungumzia watikisa nyavu wanaoziweka timu hizo kileleni mpaka sasa kwa magoli yao. Wachezaji wanane tu wa vilabu hivi viwili wametikisa nyavu mara 39 kwa pamoja wakati ambapo wale wa Yanga wametikisa nyavu mara 20 na wenzao wa Simba wametikisa nyavu mara 19.

Shiza Kichuya ni mchezaji aliyetajwa kwa kusifiwa mara nyingi zaidi na inawezekana kungekuwa na kura za mtandaoni bila shaka angeibuka kuwa mchezaji maaarufu na anyependwa hadi sasa anaongoza orodha ya wafungaji kwa kupachika wavuni magoli 7.

Wakati Kichuya akiongoza kw umaarufu huo mchezaji mwenzakw Obrey Chirwa  Mzambia anyechezea mabingwa watetezi, Yanga  Sc aliongoza kwa kukejeliwa na kuitwa majina ya ajabu kwa kutofanya vizuri mwanzo wa msimu llakini hali hiyo imegeuka na sasa amekuwa mmoja wa wachezaji wafumaniaji nyavu maarufu na sitashangaa endapo ataendelea hivyo akija kuibuka kuwa mchezaji bora wa mwezi baada ya kufunga mabao matano katika mechi nne pekee.

  Simba wanaonekana kuwa wazuri zaidi kwa mipira iliyokufa kama vile kona , adhabu ndogo na kubwa ambapo zaidi ya asilimia 75 ya magoli yao yametokana na mipira iliyokufa. Jambo jema kwao ni ujio wa kiungo Muzamiru Yassin ambaye licha ya kuuanza vizuri msimu wake wa kwanza akiwa na Simba sasa amekuwa akiingia mara kwa mara katika orodha ya wafungaji wa magoli ya Simba na kuongeza idadi ya wafungaji  kutoka kila eneo la uwanja nje ya eneo la ushambuliaji.

 Bado Simba wanakabiliwa na changamoto ya watu wabunifu katika eneo la mwisho la kumalizia langoni mwa wapinzani wao hasa utoaji wa pasi za mwisho, licha ya kuwa na na watu wenyenye uwezo mkubwa wa kumiliki mpira na kuuchezea.

 Kwa upande wa Yanga ushirikiano mkubwa walionao wachezaji unaonekana kuwapa nafasi na uwezo wa kufanya vizuri zaidi katika ligi hii, jambo la kufurahisha ni kuona  jinsi ambavyo Chirwa na Msuva wanaelewana sana kwani magoli matatu kati ya matano ya Chirwa yamepikwa na Msuva.

Pamoja na ugumu wa ligi hii inaonekana wazi kuwa ina msisimko wa aina yake hasa kwa wapinzani wa jadi wa  soka letu  Simba na Yanga, ambao bila shaka mmoja wao ndiye atakayekuwa bingwa wa ligi hiyo.

Simba wakijvunia uwezo wao wa kuuchezea mpira hasa katika eneo la kiungo na uwezo wa kucheza pasi fupi fupi na kupanga mashambulizi kwa kutumia wachezaji wao wa pembeni kama Kichuya na Mnyate ili kuzipa presha safu za ulinzi kwa timu wanazokutana nazo.

Yanga  wakivunia ubunifu wa viungo kama Niyonzima na Kamusoko lakini pia wamekua wakitegemea spidi ya washambuliaji wao Chirwa, Msuva na Ngoma ambao ni ngumu sana kuwazuia pale wanapofanya mashambulizi  ya kushtukiza langoni mwa adui.

Huwezi  kumsahau Tambwe ambaye kwa kawaida anapokuwa ndani ya eneo la sita katika lango la mpinzani anajua ni nini cha kufanya na hasa anapokuwa na watu waliomzunguka wanaojua majukumu yao hasa katika eneo la kiungo.

 Kwa ujumla vikosi vya timu zote mbili ni vikosi vinavyowahakikishia ubingwa endapo wataweza kutunza mwenendo wao katika ligi.

Idadi ya magoli wanayofunga kwenye mechi zao ni dalili tosha ya kuonyesha kuwa  wana kitu wanachokitafuta katika ligi hii ni jam,bo la kusubiri na kuona