GERALD ATUNDIKA DALUGA BAADA YA MIAKA 18 YA KUITUMIKIA SOKA

 

Steven Gerald nahodha wa zamani wa klabu ya Liverpool na timu ya taifa ya England

Na: Imani Kelvin Mbaga

Steven George Gerald, kiungo mahiri wa zamani wa klabu ya soka ya Liverpool na timu ya taifa ya England maarufu kama “three lion”, ametangaza rasmi kuustaafu kucheza soka baada ya miaka 18 ya kuvitumikia vilabu vya Liverpool na LA Galax alikomalizia soka lake.

Steven Gerald alizaliwa tar 30 May 1980, huko Whiston, England  ambapo alianzia safari yake ya soka katika klabu yake pendwa ya Liverpool mwaka 1987, wakati huo akiwa na umri wa miaka 7 pekee ambapo alidumu katika timu za watoto hadi mwaka 1998 alipojiunga na kikosi cha cha wakubwa.

Gerald ametumia miaka 17 kuichezea klabu hiyo ya ligi kuu nchini England na nafasi yake rasmi katika timu ya wakubwa aliipata mwaka 2000na miaka mitatu baadae yaani 2003 alipata nafasi ya kumrithi Sami Hyypia kama nahodha wa timu hiyo, nafasi aliyoitumikia kwa zaidi ya miaka 11 hadi mwaka 2015 alipoamua kujiunga na klabu ya LA Galax ya huko nchini Marekani.

Katika wakati wa uchezaji wake Steven Gerald alifanikiwa kushinda makombe kadghaa na klabu yake hiyo kama vile, makombe mawili ya FA, makombe matatu ya kombe la ligi, kombe la klabu bingwa barani ulaya moja, na kombe la shirikisho la soka barani ulaya yaani UEFA Super cup moja.

Mwaka 2005 ni mwaka wa kukumbukwa sana na wapenzi wa soka duniani kote pale nahodha huyo mahiri Steven Gerald alipofanikiwa kuisaidia timu yake ya Liverpool kunyakua kombe la klabu bingwa barani ulaya katika mchezo ambao walikuwa nyuma kwa magoli 3-0 hadi mapumziko dhidi ya AC Milan ya Italia.

Katika mchezo huo Gerald aliifungia Liverpool goli la kwanza kati ya matatu ya kusawazisha na baadae alifunga mkwaju wa tatu wa penalt kuipa ubingwa timu yake hiyo pendwa.

Gerald aliichezea timu ya taifa ya England jumla ya michezo 114, zikiwemo mechi za fainalim za kombe la mataifa ya ulaya mwaka 2000, 2004 na 2012, bila kusahau fainali za kombe la dunia mwaka 2006, 2010 na 2014.

Alikuwa mchezaji wa sita kuichezea England michezo 100 ya timu ya taifa. Wakati ambapo aliwahi pia kupigiwa kura na mashabniki wa klabu yake y Liverpool kama mmoja wa wachezaji bora wa klabu hiyo na katika wachezaji 100 alikuwa nafasi ya pili nyuma ya Kenny Daglish mwaka 2008 kabla ya kuwa wa kwanza mwaka 2013.

Tuzo alizowahi kupata ni pamoja na nafasi ya tatu au medali ya fedha ya mchezaji bora wa mwaka, amewahi kutajwa kwenye kikosi cha mwaka wa chama cha wachezaji wa kulipwa nchini England akitajwa mara nane, kikosi bora cha UEFA na FIFA mara tatu, mchezaji bora wa kulipwa mwaka 2006.

Huyu ni mchezaji pekee aliyewahi kufunga goli katika fainali za kombe la FA, kombe la ligi,kombe la UEFA, na ligi ya mabingwa barani Ulaya