ARSENAL YAIGOMEA MANCHESTER UNITED TRAFFORD

wachezaji wa Arsenal wakishangilia bao la kusawazisha

Na: Imani Kelvin Mbaga

Timu ya Arsenal ya jijini London imefanikiwa kupata pointi moja katika dimba la uwanja wa Old Trafford dhidi ya wenyeji wao Manchester United katika mwendelezo wa ligi kuu ya England.

Arsenal waliingia katika mchezo wa leo huku rekodi zikionyesha kuwa kinyume chao hasa wanapokuwa katika uwanja huo.

Timu hizo zilikwenda mapumziko zikiwa hazijafungana goli huku takwimu zikionyesha Arsenal walimiliki mpira zaidi lakini Manchester United wakionekana kuwa wa hatari zaidi.

Nusura Antonio Martial aipatie Manchester United penalti baada ya kuangushwa katika eneo la hatari na mlinzi wa kushoto wa Arsenal Nacho Monreal hata hivyo mwamuzi alionyesha kutoridhishwa na ukubwa wa tukio hilo.

Dakika ya 68, mchezaji kipenzi cha mashabiki, Juan Mata aliipatia Manchester United goli la kuongoza akimalizia kazi nzuri iliyofanywa na Ander Herera.

Juan Mata akishangilia bao pamoja na wenzake

Hata hivyo dakika ya 89, Oliver Giroud aliisawazishia Arsenal goli kwa kichwa kuunganisha mpira uliopigwa na Alex-Oxlaid Chamberlain.

Katika mchezohuo Manchester United walionekana kucheza vizuri wakati wote hasa kwenye kukaba na kuzuia mipira ya hatari ya Arsenal hasa kwa kuwazuia wasicheze mchezo wao.

Ander Herera na Michael Carick walidhibiti eneo la kati hasa kwenye ulinzi wakizuia mipira ya hatari toka kwa Mesuit Ozil na hivyo kuwalazimisha Arsenal kucheza zaidi katika eneo lao bila kuleta madhara